الحب
اللي يقول الحب ولـى زمانـه
مايدري ان النـاس مايستوونـي
صحيح بعض الناس خان الامانه
لكن بعظهم مانوى انه يخونـي
الحب بقلوب البشر لـه مكانـه
البعض صانه والبعض مايصوني
اللي يصونه يهتني فـي كيانـه
يلقى لطعمه الف شكـل ولونـي
يعيش فيه ويرتوي مـن حنانـه
ولا يظـن بسيئـات الظنونـي
واللي ماصانه صار محبط وهانه
يقول ولى قبـل جيلـه يجونـي
ماغير يسمع فيـه ياليـل ادانـه
يفكـره روتيـن ولا فنـونـي
مايدري ان الحب عظيـم شانـه
ممزوج بارواح البشر والشجوني
الحب اكبر مـن مجـرد ميانـه
ماهو كلام اعجاب شخص يموني
الحب يلوي القلب كالخيزرانـه
ويميلـه يـم الحبيـب الفتونـي
غصب?ُ عليك الحب يفلت عنانـه
ماينتظـر جوارحـك يأذنونـي
بس البشر فيهم جحـود ولعانـه
ون صادفك مكروه جو يشمتوني
والحب ماله ذنب يقتـل عشانـه
بعض البشر للحب مايرحمونـي
اما البعض ..فالحب فيهم ديانـه
واحبابهـم بقلوبهـم يسكنونـي
هذا جوابـي ..يامـدور بيانـه
كل البشر للحـب مايستوونـي
