تعز ونصيحة عم حنفي !!
المشوار الصباحي من مدينة نصر الى وسط البلد في القاهرة سفرحقيقي لا مزح فيه هو في اوقات الفراغ الجميلة نصف ساعه ولكن في زحام الظهر الشديده لا تعد الساعات بل بالنهار كله لكن في المتوسط ساعتين ونصف !
لهذا اتسلح له بكل انواع الصبر ابتداءا من اللابتوب المشحون بالنت الى جريدة يومية تكتب لك عناوين مفجعه اقلها اننا في حرب اهلية !!وان الدمار شامل وتذكرك بافلام خالد يوسف عندما يخرج فيلم عن الحارة المكتضه بكل شيئ من شذاذ الساسة الى شذاذ الافاق ومن حروب المخدرات الى حروب الكواكب !! وتخرج وضغطك 40000 وقلبك مهموم تريد ان تضرب اول برلماني يعدي عليك !!
** عم حنفي السائق الابهة الذي يحدثني وعينيه شبه مغلقتين يصمم على اعادة مؤشر الراديو الى قناة الاغاني وليس راديو مصر ويوضح لي
– اصل الاذاعة دي اللي بتسمعها دائما ياباشا كل نص ساعة نكد!!
– ازاي ياعم حنفي?
– كل نص ساعة نشرة اخبار.. يعني نكد!!?
واحنا مش ناقصين ياباشا ما تشوف قدامك الكوبري واقف ساعة ? كمان نسمع وقف البورصه ? ووقف الشغل? ووقف الحيل ?
ولا ارد وانا اتابع التلفون واخبار عن تعز وضربها من الجميع
يسألني : مالك ياباشا انت شفت عكننه بالتلفون ?
-لا دي اخبار البلد سيئة يا عم حنفي
– هو انت بلدكم فين ياباشا ولا مؤخذه يعني ?
– انا من تعز يا عم حنفي
– ودي فين دي ? مش في امبابة يعني ?
– حاجة في الصعيد الجواني ياعم حنفي !
– ااااااه وانا اقول شكلك صعيدي لابس بدلة لا مؤخذه ياباشا !
– ابدا يا عم حنفي هو فعلا صعيدي لابس بدلة!
– وايه اللي مزعلكم بالبلد بتعز دي ولا مؤخذه ?
– الثورة مش ماشية يا عم حنفي ?
– مش ماشية الزاي يعني بلا عجل ? كسروا رجلها الشمال !!
– ايوة كذه صح ياعم حنفي كسروا رجلها الشمال ! الله ينور عليك
– طيب اعملوا حاجة اي حاجة على راي حليم برضه قول بحبك قول كرهتك بس قول اي حاجة !
– نحاول نعمل يا عم حنفي بس هم بيعملوا فينا حاجاااااااااااااات !
– هم مين ?
– مش عارف يا عم حنفي الكل با يعمل في تعز الكل بيعمل بالكل والبلد رايحة في داهية
يتأمل عم حنفي بالكوبري الذي لا يتحرك من الزحام ويمسح عرقه عن جبينه العريض ويقول وهو يفتح عينيه لأول مرة من اسبوع تقريبا
– انا عندي لك فكيره .. يعني فكره.. تروح للاستاذ احمد السقا وتعمل زيه
اسأله باندهاش مين احمد السقا ?
يرد باندهاش اكثر السقا الممثل ياباشا مش انا باشوفك مع فنانين برضه ?!
– ومالي انا والممثل ?يا عم حنفي ?
– اعمل زيه روح بلدكم تعز دي اللي في الصعيد الجواني واللي بيضربوها كلهم وبيعملوا فيها كلهم ولا مؤاخذه ( الكل با يشتغلها يعني ) روح هناك واعمل زي السقا بفيلم الجزيرة اضرب الكل بالنار واصرخ فيهم
(من النهارد مافيش حكومة… من النهارده .. انا.. الحكوووووووووووووووومه )
– يا عم حنفي نزلني هنا لو سمحت
ويندهش ح تروخ فين ياباشا دي الكامعه ( يقصد الجامعه ) العربية لسه بعيد
ايوة نزلني هنا اشوف احمد حلمي صاحبي مش السقا !!
